حوزہ نیوز ایجنسی کی رپورٹ کے مطابق، مجلس وحدت مسلمین قم کے زیر اہتمام تکریم شہداء کانفرنس کا انعقاد ہوا جس میں شہید، شہادت اور شہداء کے مختلف زاویوں پر گفتگو ہوئی۔
تفصیلات کے مطابق، مجلس وحدت مسلمین شعبۂ قم کے زیر اہتمام تکریم شہداء کانفرنس سے خطاب کرتے ہوئے مہمان خصوصی حجت الاسلام و المسلمین الشیخ عبداللہ دقاق نے شہید کی عظمت اور شہداء کے مقام پر گفتگو کرتے ہوئے کہا کہ شہادت نے شہداء کو فرد سے مکتب بنا دیا ہے۔
انہوں نے شہید قاسم سلیمانی و دیگر شہداء کے بارے میں کہا کہ شہادت نے انہیں سارے جہان میں معروف و مشہور کر دیا ہے۔ شہید قاسم سلیمانی شہادت کے بعد ایک مکتب میں بدل گئے ہیں۔
انہوں نے سانحۂ کرمان پر گفتگو کرتے ہوئے کہا کہ اس سے مکتب سلیمانی مزید جہانی ہوگا اور یہ شہادتیں دنیا بھر میں افکار شہید سلیمانی کی شناخت، پہچان اور ترویج و اشاعت کا باعث بنیں گی۔
